Aktuell informasjon om leigeberedningskinn i arbeid: 

Status saueskinn pr. 28.11.2022: 
No er forrige sesongs saueskinn t.o.m. parti 112 på veg ut til kvar og ein produsent. Dvs. at alle skinn innregistrert t.o.m. 31.8.2022 er ferdige. I øyeblikket registrerer me inn parti 33. Parti 1 blir sendt ut denne veka. Parti t.o.m. 6 er i arbeid og blir ferdig i løpet av desember.
Det står lang kø med returskinn pallar frå dei fleste slakteri som skal registrerast. Det er også fleire slakteri som enda ikkje har levert inn pallar. Me gjer ferdig 1000-1200 saueskinn kvar veke og håpar våre kundar er tolmodige og kan vente til skinna blir klare.

For eksempel er følgjande andre skinnslag tatt i arbeid på desse datoar:

Normalt tek me i arbeid leigeberedningsskinn så snart eit parti er fulltaleg og rett valkefat er ledig.
Me vil prøve å halde denne informasjonen ajour framover.  

Prisliste leigeberedning:
For å få tilsendt mail med prisliste for beredningskundar, trykk her - og fyll inn namn og telefonnummer til høgre.

Frakt og adm. kostnader:

Beredningsprisar går fram av sist oppdaterte prislister.

Utlagt frakt ved mottak av skinn til leigeberedning (returskinn) frå slakteria er i tidlegare år blitt betalt av oss, utan at me belasta produsenten. Landet vårt er langstrakt og me får skinn frå dei fleste slakteri i alle landsdelar. Sjølv med konkurransedyktige fraktavtalar er det betydelege kostnader for oss. Me såg difor, at me måtte fordele litt av dette på kvart skinn som kom inn. Me starta med kr 5,- (+ mva) pr. saueskinn for 2020 sesongen. Det dekte omtrent halve kostnaden. Alle som sender inn skinn sjølv og betaler frakta veit at kostnaden er mykje høgare. På grunn av prisauke vart fraktprisen sett til kr 6,- for 2021 sesongen og kr 8 for 2022 sesongen.

Me har heller ikkje belasta kundar med faktura- eller  administrasjonsgebyr tidlegare, men ser at det er betydeleg administrasjon som går med å merke skinn, svare på alle spørsmål, sende ut informasjon og fakturere alle skinn. Eit lite administrasjonsgebyr (kr 20 + mva) på kvar faktura vart difor innført for 2020 sesongen, auka til kr 22,- for 2021 sesongen og kr. 24 for 2022 sesongen.

Utgåande porto for postpakkar eller utgåande frakt for større sendingar blir fakturert etter gjeldande porto- eller frakttakstar. Mindre sendingar som postpakkar blir normalt sendt i postoppkrav. Oppkravsgebyret er kr 68,- + mva. Større sendingar blir sendt med Bring Cargo. Porto/returporto blir belasta på nytt om pakkar ikkje blir henta og kjem i retur.

Det ligg alltid faktura frå oss i sendinga. Finn den fram før emballasjen blir lagt bort. Det er mange som etterspør kopi av faktura når rekneskap skal førast. Det blir ekstra arbeid for oss å sende faktura på nytt, så hugs at den ligg alltid i pakken saman med skinna.

Bygling - Varmebehandling med roterande «styrkejern»

Me har nå installert ei bygelmaskin (ironing machine). Det er ei maskin med ein roterande stor valse (oppvarma til 160 grader C). Denne valsen varmar og greier ut ulla på ein spesiell måte, slik at ulla toppar seg i små spir, får ein glattare utsjånad og får meir volum. Ulla blir også jamnare, og der det er «vattete» utsjånad blir det finare. Maskina fungerer i prinsippet som ei glattetang  som frisørar brukar.

Skinn av ein god del villsau, enkelte spæl og blandingsrasar får ein mykje betre utsjånad etter behandlinga. Maskina er nytta sidan september på ein del eigne og innsendte skinn. Me har ikkje kapasitet til å ringe rundt og spørje om det er ønskeleg å bygle innsendte skinn. Framover vil me  bygle skinn, som me trur blir sjåande betre ut etter behandlinga. Kom gjerne med tilbakemelding til oss om dette.  Det går mykje straum til denne maskina, men me belastar ikkje noko ekstra for byglinga i denne omgang. Foto viser skinn før og etter behandlinga, filmen viser maskina i aksjon.   

                                        Før bygling                                                                                       Etter bygling

 Sjå video